Գերմանիայի կանցլեր Օլաֆ Շոլցը Բունդեսթագում միգրացիոն քաղաքականության խստացման վերաբերյալ բանաձեւի ընդունումը «վատ նշան» է անվանել երկրի համար։ Համապատասխան գրառումը հրապարակվել է X սոցիալական ցանցի քաղաքական գործչի էջում։
«Սա վատ նշան է խորհրդարանի և նաև մեր երկրի համար»,- գրել է կանցլերը։ Շոլցը հավելել է, որ իրեն ժամանակ է պետք՝ հասկանալու համար, թե ինչ է տեղի ունեցել։
Հունվարի 26-ին Քրիստոնեա-դեմոկրատական և Քրիստոնեա-սոցիալական միությունների դաշինքի (CDU/CSU) խմբակցությունը մտադրություն է հայտնել Բունդեսթագի քվեարկությանը միգրացիոն քաղաքականության վերաբերյալ առաջարկներով բանաձեւ ներկայացնել։
Բանաձևի համաձայն՝ Գերմանիան բախվել է «բռնության նոր մակարդակի»։ Որպես փաստարկ՝ նշվում է Աշաֆենբուրգում անցորդների վրա աֆղանցու հարձակման դեպքը, որի արդյունքում երկու մարդ վիրավորվել է։
