Իրանի արտաքին գործերի նախարար Աբբաս Արաղչին մեկնել է Կատար, որտեղ ծրագրված է բանակցություններ վարել պաղեստինյան արմատական ՀԱՄԱՍ շարժման ներկայացուցիչների հետ։ Այս մասին հայտնել է Իսլամական Հանրապետության արտաքին գործերի նախարարությունը։
«Այս ուղևորության ընթացքում նախատեսվում է հանդիպում Պաղեստինի Իսլամական Դիմադրության շարժման (ՀԱՄԱՍ) բարձրաստիճան ներկայացուցիչների հետ և քննարկում Պաղեստինում տեղի ունեցած վերջին իրադարձությունները», - ասված է Իրանի ԱԳՆ-ի հաղորդագրության մեջ, որը հրապարակվել է գերատեսչության Telegram ալիքում:
Ինչպես նշել են Իրանի ԱԳՆ-ում, Արաղչին կհանդիպի նաև Կատարի ղեկավարության հետ, կողմերը կքննարկեն տարածաշրջանում տիրող իրավիճակը և երկկողմ հարաբերություններին վերաբերող հարցեր։
Ավելի վաղ ՀԱՄԱՍ-ի պատվիրակությունը Անկարայում բանակցություններ է վարել Թուրքիայի նախագահ Ռեջեփ Թայիփ Էրդողանի հետ, ինչպես նաև այցելել Կահիրե, որտեղ հանդիպել է Եգիպտոսի հետախուզության գլխավոր վարչության ղեկավար Հասան
Մահմուդ Ռաշադի և իսրայելական բանտերից ազատվելուց հետո Եգիպտոս արտաքսված պաղեստինցի բանտարկյալների հետ։ Իսրայելի հետ գործարքի շրջանակներում:
