Վրաստանի խորհրդարանական պատվիրակությունը դադարեցնում է աշխատանքը Եվրախորհրդի խորհրդարանական վեհաժողովում (ԵԽԽՎ) այն բանից հետո, երբ ավելի վաղ ընդունվել էր բանաձև, որը կոչ էր անում հանրապետական իշխանություններին նոր խորհրդարանական ընտրություններ անցկացնել։ Այս մասին ասվում է վրացական պատվիրակության ղեկավար, Վրաստանի խորհրդարանի փոխխոսնակ Թեա Ցուլուկիանիի հայտարարության մեջ։
Ինչպես նշում է Ցուլուկիանին, վրացական իշխանությունների հակառակորդները ցանկանում էին, որ ԵԽԽՎ-ում ընդհանրապես չճանաչվեն վրացական պատվիրակության լիազորությունները, սակայն մարմինը ճանաչեց լիազորությունները, բայց որոշակի պայմաններով, որոնցից մեկը նոր խորհրդարանական ընտրությունների անցկացումն է։
«Հաշվի առնելով վերը նշվածը, մենք՝ Վրաստանի խորհրդարանի պատվիրակության անդամներս, քննարկել ենք Ստրասբուրգում և Թբիլիսիում և «Վրացական երազանք» թիմի ընդհանուր որոշմամբ, որ այսօրվանից մենք դադարեցնում ենք աշխատանքը Խորհրդարանական վեհաժողովում»,- ասվում է հայտարարության մեջ։
Հայտարարության տեքստում նշվում է նաև, որ Վրաստանը դեռևս մնում է Եվրախորհրդի անդամ, սակայն կվերադառնա ԵԽԽՎ աշխատանքի այն բանից հետո, երբ դադարի շանտաժը երկրի և նրա ժողովրդի դեմ։
