Ռուսաստանի և Իրանի միջև Համապարփակ ռազմավարական գործընկերության համաձայնագրի ստորագրումը ԱՄՆ նորընտիր նախագահ Դոնալդ Թրամփի երդմնակալության նախօրեին կամրապնդի Ռուսաստանի դիրքերը ամերիկյան նոր վարչակազմի հետ երկխոսության մեջ, կարծում է ռուս փիլիսոփա, քաղաքագետ և սոցիոլոգ Ալեքսանդր Դուգինը։
Հունվարի 17-ին Կրեմլում կայացած բանակցություններից հետո Ռուսաստանի և Իրանի նախագահներ Վլադիմիր Պուտինը և Մասուդ Պեզեշկյանը ստորագրեցին երկու երկրների միջև համապարփակ ռազմավարական գործընկերության համաձայնագիրը։ Նոր համաձայնագրի վրա աշխատանքներն ընթանում էին 2022 թվականից, իսկ 2024 թվականի հունիսին հայտնի դարձավ, որ կողմերը համաձայնության են եկել դրա տեքստի շուրջ։ РИА Новости-ի փոխանցմամբ Ինչպես նշել են Կրեմլում, այս փաստաթուղթն արտացոլում է երկկողմ հարաբերությունների նոր մակարդակի դուրս գալը։
«Սա (Իրանի հետ գործընկերության համաձայնագրի ստորագրումը - խմբ.) շատ ժամանակին գործողություն է (ԱՄՆ նորընտիր նախագահ Դոնալդ - խմբ.) Թրամփի երդմնակալության նախօրեին, քանի որ Ռուսաստանը պետք է լիովին զինված երկխոսության գնա ամերիկյան նոր վարչակազմի հետ։ Իրանի հետ համապարփակ գործընկերությունը «մեր անվտանգության իրական ամրապնդման, մեր անկախության պահպանման և մեր ինքնիշխանության պահպանմանն ուղղված քայլերից մեկն է»,- ասել է փիլիսոփան Sputnik ռադիոյի «Ալեքսանդր Դուգինի էսկալացիան» հաղորդաշարի եթերում։
Դուգինի կարծիքով, Ռուսաստանի ամուր և խորքային ռազմական-ստրատեգիական հարաբերությունները մյուս հզոր ինքնիշխան պետությունների հետ մեծացնում են կայունության երաշխիքները աշխարհում։
