ԱՄՆ նորընտիր նախագահ Դոնալդ Թրամփը հայտարարել է, որ մտադիր է իր պաշտոնավարման առաջին օրը ստորագրել գրեթե 100 գործադիր հրաման: Այս մասին հայտնում են Ամերիկյան ԶԼՄ-ները։
«Պաշտոնը ստանձնելուց մի քանի ժամվա ընթացքում ես կստորագրեմ տասնյակ հրամանագրեր, որոնց թիվը կհասնի հարյուրի», - մեջբերում են ԶԼՄ-ները Ամերիկայի ընտրված առաջնորդի խոսքերը։
Թրամփն ավելացրել է, որ փաստաթղթերն ուղղված են լինելու «չեղարկելու շատ բաներ, որոնք արել է ԱՄՆ հեռացող նախագահ Ջո Բայդենը»։
Ավելի վաղ Թրամփի նախընտրական շտաբի տնտեսական ավագ խորհրդական Սթիվեն Մուրն ասել էր, որ պետության նոր ղեկավարը կարող է ստորագրել 50-ից 100 հրամանագրեր իր պաշտոնավարման առաջին օրը, իսկ հաջորդ շաբաթներին սպասվում է ավելին:
Տնտեսագետը կարծում է, որ հրամանագրերի մեծ մասը նվիրված է լինելու էներգետիկ խնդիրներին։ Այսպիսով, Թրամփը կարող է չեղարկել Բայդենի հրամանները՝ կապված որոշակի տարածքներում էներգիայի արտադրության և նավթի ու գազի նոր հանքավայրերի շահագործման արգելքի, էլեկտրական մեքենաների օգտագործման, մաքուր էներգիայի զարգացման ծրագրերի ֆինանսավորման և բնապահպանական չափանիշների խստացման վերաբերյալ։
