Ավանի մ /մանկապարտեզներ ՀՈԱԿ Հ 57մ /մանկապարտեզի ղեկավար Մարգարիտա Հովհաննիսյանը Երևանի քաղաքապետ Տիգրան Ավինյանին բաց նամակով դիմելուց հետո պատասխանել է իրեն արձագանքած վերադասին:
«Տիկին Հակոբյան, զբաղված եք բացահայտ բանսարկությամբ և խաբեբայությամբ, այս գործը կավարտվի դատական հայցով, բոլոր ապացույցները կան ի տարբերություն ձեր փողոցային ժարգոնի և պահվածքի, և մանդատ բաժանելով ընտրյալ ներին, հայտարարություններ անելով՝ «ոնց կուզեք, տենց էլ կանենք, մեր ձեռնա», և շատ հետաքրքիր է, թե ինչպես դարձաք տնօրեն առանց մասնագիտական կարողություններ ունենալու, անգամ չեք գիտակցում, որ տնօրենը դուք եք, և բողոքը տնօրենի անունով է եղել, շարունակեք այդ տեմպերով, շնորհակալություն»- գրել է Մարգարիտա Հովհաննիսյանը։
Հիշեցնենք, որ Ավանի մ /մանկապարտեզներ ՀՈԱԿ Հ 57մ /մանկապարտեզի ղեկավար Մարգարիտա Հովհաննիսյանը, ավելի վաղ բաց նամակով դիմել էր Երևանի քաղաքապետ Տիգրան Ավինյանին։
«Երևանի քաղաքապետ Տիգրան Ավինյանին, Ավանի մ /մանկապարտեզներ ՀՈԱԿ Հ 57մ /մանկապարտեզի ղեկավար Մարգարիտա Հովհաննիսյանից,
Պատճենը Երևան համայնքի քաղաքապետարանի Հանրակրթության վարչությանը Քաղաք Երևան 18.01.2025թ.
Դիմում
Հարգելի՛ պարոն Ավինյան,
Ես Մարգարիտա Հովհաննիսյանս, շուրջ տասնչորս տարի է` ինչ ղեկավարում եմ Ավանի մ/մանկապարտեզներ ՀՈԱԿ Հ 57մ / մանկապարտեզը, և նման անհեթեթ իրավիճակում, ինչում այսօր եմ՝ երբևիցե չէի եղել։
Շուրջ երեք ամիս է՝ ինչ Ավանի մ /մանկապարտեզներ ՀՈԱԿ ֊ը ունի (հոկտեմբերից֊դեկտեմբեր) տնօրենի ժ/պ, խոսքը Արփինե Հակոբյանի մասին է, ով դեկտեմբերի 20-ից պաշտոնապես դարձավ տնօրեն։
Երեք ամիս շարունակ Ավանի մ /մանկապարտեզներ ՀՈԱԿ Հ 57 մ / մանկապարտեզի աշխատանքային պրոցեսը պարբերաբար խաթարվում է, քանի որ մանկապարտեզի աշխատակիցներից երկուսը՝ Վարդուհի Հարությունյանը և Հայկանուշ Թորոյանը, տնօրենի կողմից գերարտոնված աշխատողներ են դարձել․ աշխատանքային օրերին անընդհատ ինտենսիվ հեռախոսային կապի մեջ են տնօրենի հետ՝ տեղեկացնելու կոլեգաներից յուրաքանչյուրի տեղաշարժի մասին, այս միջնորդավորված անհարկի «վերահսկողությունը» տհաճ իրադրության մեջ է դրել ողջ կոլեկտիվին, նրանք տեղյակ են ու սա ոչ միայն դիսկոմֆորտ է ստեղծել և կաշկանդվածություն, այլեւ ավելորդ լարվածությունից խաթարվում է մարդկանց բնականոն աշխատանքը։
Իսկ արտոնյալ կարգավիճակն ու չենթարկվելու «ՄԱՆԴԱՏԸ» սույն անձիք ստացել են Ավան վարչական շրջանի ղեկավարի նախկին տեղակալ Ջուլիետա Ազարյանից։
Նա էր իր պաշտոնավարման օրոք հրավիրել ժողով ու մանկավարժական կոլեկտիվի ներկայությամբ հայտարարել սույն տիկնանց անունները և հայտնել, որ Վարդուհին և Հայկանուշը իր կողմից ստանում են «ՄԱՆԴԱՏ»՝ ինձ՝ որպես մանկապարտեզի ղեկավարի չենթարկվելու ու ՀՈԱԿԻ տնօրենի հետ ուղիղ կապի մեջ լինելու համար ։
Սա ՀՈԱԿ տնօրենի գործունեության միակ անհեթեթությունը չէ։
Հաջորդ աբսուրդն այն է, որ մանկապարտեզի կրտսեր 1-ին խմբում աշխատում է իր իսկ նշանակմամբ կես դրույքով մանկավարժական մի աշխատող, աշխատակցի հեռանալուց հետո խախտվում են երեխայի իրավունքներ և կեսօրից հետո աշխատանքային ռեժիմում երեխաների զարգացումն ու խնամքը գրեթե չի իրականացվում պատշաճ կերպով, ինչը բխում է «Նախադպրոցական կրթության մասին» օրենքի հոդված 3, մաս 1,կետ 23֊ից։
ՄԻնչդեռ կրտսեր 1 խմբի տարիքային և զարգացման առանձնահատկությունները հաշվի առնելով՝ երեխաներն առավել խնամքի կարիք ունեն, և օրենքով սահմանված կարգով պարտավոր են կրտսեր 1 խմբում աշխատել երկու մանկավարժական աշխատողներ ու ևս երկու օգնականներ միաժամանակ։
Իսկ ես, որպես մասնաճյուղի ղեկավար, չունեմ իրավասություն և լիազորություն աշխատակիցների նշանակումներ կատարելու հարցում, հետևաբար, հարկադրված փորձում եմ իրավիճակը շտկել ներքին ռեսուրսների հաշվին, սակայն դա երկարաժամկետ լուծում չի կարող լինել, արդյունավետ չէ և ամենակարևորը՝ անվտանգ չէ այս տարիքային խմբի երեխաների համար։
Ուստի որոշում ընդունողները պետք է և պարտավոր են հաշվի առնել այս տարիքային խմբի հանգամանքը․ 2-3 տարեկան երեխաները հիմնականում չեն կարողանում հստակ ձևակերպել իրենց կարիքները և մտքերը, դժվար են ընտելանում նոր մարդկանց։
Ի դեպ միակ դաստիարակի օգնականը, ով աշխատում է խմբում, գտնվում է երկարատև անաշխատունակության արձակուրդում, ինչի մասին տնօրենը տեղեկացվել է իմ կողմից և՛ գրավոր, և՛ բանավոր եղանակով, ըստ այդմ մինչ օրս չի նշանակել փոխարինող։
Հարկ է ընդգծել, որ այս պատճառը առաջացրել է ծնողական համայնքի լուրջ մտահոգությունը, միայն ծնողների միասնական բողոքից հետո Արփինե Հակոբյանի կողմից նշանակվեց աշխատակից (ինչի մասին պատշաճ իրազեկում չեմ ստացել և մինչ օրս էլ տեղեկացված չեմ, թե ինչ հիմունքներով է նշանակվել նույն անձը, արդյոք բավարարում է օրենքի պահանջներին, թեև հնարավոր է նշանակում չի էլ արվել)։
Ընդգծեմ,
աշխատակիցը լրացուցիչ կրթության ծառայության մասնագետ է և չունի ո՛չ համապատասխան կրթություն, ո՛չ որակավորում, և ո՛չ էլ աշխատանքային փորձ, այսինքն օրենքի պահանջ է խախտվել ենթադրաբար։
Ստացվում է, որ մյուս խմբի սաները /ի դեպ վճարովի հիմունքներով/ զրկվելու են լրացուցիչ կրթության ծառայության սպասարկումից, քանի որ մասնագետը զբաղված է լինելու ոչ իր մասնագիտական գործունեությամբ և փոխարինելու է կրտսեր 1 խմբում։
Այս ամենը, բնականաբար, առաջացնում է կրտսեր 1 խմբի ծնողական համայնքի զայրույթը։
3․ Շուրջ 2 ամիս էր՝ ինչ մանկապարտեզում առկա էր ջեռուցման խնդիր նաև, ինչի մասին տեղեկացրել եմ և՛ գրավոր, և՛ բանավոր ճանապարհով, սակայն լուծում տրվեց միայն այն ժամանակ, երբ ծնողը զայրույթ-բողոք ներկայացրեց ՀՈԱԿ։
4․ Հոկտեմբեր ամսին ունեցել եմ գրավոր դիմում ֊բողոք Միջին բ խմբի ծնողական համայնքի կողմից, առ այն, որ մանկապարտեզում որպես հոգեբան նշանակված մասնագետը բռնություն է իրականացրել խմբի որոշ երեխաների նկատմամբ, ինչից հետո ահազանգել եմ, գրավոր տեղեկացրել եմ վերադասին՝ այն ժամանակ դեռ տնօրենի ժամանակավոր պաշտոնակատարի կարգավիճակ ունեցող Արփինե Հակոբյանին»։
