UFC-ի նախագահ Դանա Ուայթն ասել է, որ հայազգի մարտիկ Արման Ծառուկյանի հաջորդ մենամարտը տիտղոսային չի լինելու։
«Նա բաց է թողել հնարավորությունը։
Նրա հաջորդ մենամարտը տիտղոսային չի լինելու։
Նա պետք է նորից անցնի գոտու համար պայքարելու գործընթացը»,- նշել է UFC-ի նախագահը։
28-ամյա Ծառուկյանն ավելի վաղ ստիպված էր հրաժարվել UFC 311-ում թեթև քաշային կարգում չեմպիոն Իսլամ Մախաչևի հետ ռեւանշ-մենամարտից՝ մեջքի վնասվածքի պատճառով։
Արմանին, ի վերջո, փոխարինել է բրազիլացի Ռենատո Մոիկանոն, որին Մախաչևը հաղթեց առաջին ռաունդում՝ հաջողությամբ պաշտպանելով չեմպիոնական տիտղոսը։
Ի պատասխան՝ Արման Ծառուկյանը հայտնել է, որ համաձայն է Դանա Ուայթի հետ․
«Մեջքս բուժելուց հետո պատրաստ կլինեմ ապացուցելու, որ ես իսկական առաջին համարի հավակնորդ եմ՝ մենամարտելով ցանկացածի հետ, ում նրանք կկանգնեցնեն իմ առջև»,- գրել է Ծառուկյանը X սոցիալական ցանցում։
