Իսրայելի պաշտպանության բանակը շարունակում է հարձակումները Գազայի հատվածում ՀԱՄԱՍ-ի դիրքերի վրա՝ պատանդների ցուցակի բացակայության պատճառով։
Այս մասին հայտնում է Իսրայելի պաշտպանության բանակի տելեգրամյան ալիքը։«Հրադադարը ուժի մեջ չի մտնի այնքան ժամանակ, քանի դեռ ՀԱՄԱՍ-ը չի կատարել իր պարտավորությունները»,- ընդգծել է բանակի խոսնակ Դանիել Հագարին։
Այս պահին Իսրայելի պաշտպանության բանակի կործանիչները գնդակոծում են Գազայի հատվածի կենտրոնական և հյուսիսային հատվածները։
«Իսրայելի պաշտպանության բանակը շարունակում է պատրաստ լինել պաշտպանությանն ու հարձակմանը և թույլ չի տա, որ վնաս հասցվի Իսրայելի պետության բնակիչների անվտանգությանը», - ասված է հաղորդագրությունում։
Ավելի վաղ Իսրայելի վարչապետ Բենիամին Նեթանյահուն հայտարարել էր, որ Գազայում հրադադար սկսելու պայմանը ՀԱՄԱՍ-ի պարտավորությունների կատարումն է, այն է՝ Իսրայելին տրամադրել պատանդների ցուցակը, որոնք պետք է ազատ արձակվեն հրադադարի առաջին փուլում։
