«Մեր անհատական և ընդլայնված կազմով հանդիպումներում ևս մեկ անգամ արձանագրվեցին տնտեսական ոլորտում ձեռք բերված հաջողությունները։
Ինչպես հաղորդում է ԱՊԱ-ն, այս մասին հայտարարել է արտգործնախարար Ջեյհուն Բայրամովը Թուրքիայի արտգործնախարար Հաքան Ֆիդանի հետ համատեղ մամուլի ասուլիսում։
Ջեյհուն Բայրամովն ասել է, որ մի շարք համատեղ նախագծեր են իրականացվում. «Այսօր թուրքական ընկերությունները Ադրբեջանում ավելի քան 16 միլիարդ դոլարի ներդրումներ են կատարել։
Ադրբեջանում գործող թուրքական ընկերությունների թիվն աճում է, մեր երկրում արդեն գործում է մոտ 4 հազար թուրքական ընկերություն. Դրանց թվում կան թուրքական ընկերություններ, որոնք շատ ակտիվ են ազատագրված տարածքներում։ Կցանկանայի հատկապես առանձնացնել թուրքական այս ընկերությունների գործունեությունը»։
Նախարարը նշել է, որ Ադրբեջանի և Թուրքիայի համատեղ մասնակցությամբ իրականացվող գլոբալ նախագծերը փոխել են տրանսպորտային և լոգիստիկ քարտեզները։
«Հարավային Կովկասում խաղաղությունը բխում է բոլորի շահերից»,-հայտարարել է Թուրքիայի արտգործնախարար Հաքան Ֆիդանը
«Բայրամովի հետ հանդիպմանը քննարկել ենք նաև Ադրբեջանի և Հայաստանի հարաբերությունների կարգավորմանն ուղղված հարցեր, Թուրքիան հասկանում է Ադրբեջանի մտահոգությունները Հայաստանի վերաբերյալ»,- նշել է նա։
