ԱՄՆ նախագահ Ջո Բայդենը դիտարկում էր իր իրավահաջորդ Դոնալդ Թրամփին ներում շնորհելու հնարավորությունը 2024 թվականի նախագահական ընտրություններում հաղթելուց հետո։ Այս մասին հայտնել է NBC հեռուստատեսությունը։
Բայդենին մոտ կանգնած աղբյուրի խոսքով՝ դեմոկրատը «մասնավորապես մտածել է Թրամփին ներում շնորհելու գաղափարի մասին՝ որպես առատաձեռնության ժեստ»։ Ինչպես նշել է NBC-ի աղբյուրը, հայտնի չէ, թե նախագահը լրջորեն մտածել է այս քայլի մասին։ Այնուամենայնիվ, Սպիտակ տան խոսնակը NBC-ին ասել է, որ «այդ հարցը պաշտոնապես չի բարձրացվել»:
Ավելի վաղ հայտնել էինք, որ ԱՄՆ նախագահ Ջո Բայդենը MSNBC-ին տված հարցազրույցում խոստովանել է, որ վախենում էր մահափորձից 2023 թվականին Կիև իր չհայտարարված այցի ժամանակ։
