Ճապոնիան բացեց առանձին մշտական առաքելություն ՆԱՏՕ-ում։ Այս մասին հայտնել է Ճապոնիայի ԱԳՆ-ը։ Նախկինում ներկայացուցչության գործառույթներն իրականացնում էր Բելգիայում Ճապոնիայի դեսպանատունը։
«Ճապոնիան և ՆԱՏՕ-ն գործընկերներ են, որոնք կիսում են հիմնարար արժեքներն ու ռազմավարական շահերը Ճապոնիայի և ՆԱՏՕ-ի միջև հարաբերությունները զարգացել են վերջին տարիներին, քանի որ ավելի պարզ է դարձել, որ Եվրատլանտյան և Հնդկական-Խաղաղօվկիանոսյան տարածաշրջանների անվտանգությունն անբաժանելի է»,-ասված է գերատեսչության հաղորդագրության մեջ։
Սենեգալում նախկին դեսպան Օսամու Իզավան նշանակվել է դաշինքի մշտական ներկայացուցիչ։ ՆԱՏՕ-ում Ճապոնիայի առաքելությունը, որը կառուցվածքային առումով Բրյուսելում Ճապոնիայի դեսպանատան մաս էր կազմում, բացվել է 2018թ.
Առանձին կազմակերպչական կառույցի ստեղծումը, ըստ ԱԳՆ-ի, «Ճապոնիային թույլ կտա էլ ավելի արդյունավետ համագործակցել ՆԱՏՕ-ի հետ և հետագայում նպաստել հարաբերությունների հետագա ամրապնդմանը և զարգացմանը»։
Վերջին տարիներին Ճապոնիան ակտիվորեն ընդլայնում է համագործակցությունը ՆԱՏՕ-ի հետ։ Երկրի վարչապետը մի քանի անգամ մասնակցել է դաշինքի գագաթնաժողովներին։
