Պաղեստինյան ՀԱՄԱՍ արմատական շարժումը հրաժարվում է ձեռք բերված պայմանավորվածություններից՝ վերջին պահին ստեղծելով ճգնաժամ, որը խոչընդոտում է Գազայի հատվածի շուրջ համաձայնության ձեռքբերմանը։ Այս մասին հայտարարել է Իսրայելի վարչապետ Բենիամին Նեթանյահուի գրասենյակը։
«ՀԱՄԱՍ»-ը հրաժարվում է պայմանավորվածություններից՝ վերջին պահին ստեղծելով ճգնաժամ, որը խանգարում է համաձայնության ձեռքբերմանը»,- ասվում է հայտարարության մեջ։
Գրասենյակը նշել է, որ Համասը «մերժում է միջնորդների և Իսրայելի հետ համաձայնեցված հստակ պայմանավորվածությունները՝ փորձելով վերջին պահին ճնշում գործադրել»։
Վարչապետի աշխատակազմը հավելել է, որ «Իսրայելը չի նշանակի նախարարների կաբինետի և կառավարության նիստի ամսաթիվը, քանի դեռ միջնորդները չեն հայտնել, որ ՀԱՄԱՍ-ը չի հաստատել համաձայնագրի բոլոր մանրամասները»։
Ինչպես հաղորդում է Kan radio-ն, ավելի վաղ՝ հունվարի 16-ին, Մոսկվայի ժամանակով 12:00-ին նախատեսված էր Իսրայելի անվտանգության կաբինետի նիստ՝ նվիրված անկլավում հրադադարի մասին համաձայնագրի հաստատմանը:
