Մոսկվա-Նովոսիբիրսկ չվերթ իրականացնող Boeing 737-800 ինքնաթիռը ստիպված է եղել հետ վերադառնալ Շերեմետևո օդանավակայան այն բանից հետո, երբ ուղևորը հայտնել է ինքնաթիռում ռումբի առկայության մասին։
Այս մասին հայտնում է ՌԻԱ Նովոստին՝ վկայակոչելով արտակարգ իրավիճակների ծառայության ներկայացուցչի խոսքերը։
«Ինքնաթիռը վերադարձել է մեկնման օդանավակայան, իսկ ռումբի մասին հաղորդած անձը ձերբակալվել է»,- ասել է գործակալության ներկայացուցիչը։
Նա հավելել է, որ օպերատիվ ծառայությունների մասնագետները ստուգում են ինքնաթիռը։ Միջադեպի հանգամանքներն պարզվում են։
