Սենատոր Մարկո Ռուբիոն, եթե ԱՄՆ Կոնգրեսի կողմից հաստատվի որպես պետքարտուղար, վարելու է «Առաջին հերթին Ամերիկան» արտաքին քաղաքականությունը և առաջին տեղում կդնի Միացյալ Նահանգների շահերը, ոչ թե այլ երկրների շահերը: Օրենսդիրը մտադիր է այս մասին ասել ԱՄՆ Սենատի արտաքին հարաբերությունների հանձնաժողովում իր հայտարարության տեքստը հասանելի է Associated Press-ին։
«Մեր հիմնական ազգային շահերը ամեն ինչից վեր դասելը մեկուսացվածություն չէ: Առողջ դատողություն է, որ մեր ազգային շահերի վրա կենտրոնացած արտաքին քաղաքականությունը հնացած մասունք չէ»,- իր ելույթում ասել է Ռուբիոն:
Սենատորների առջեւ իր ելույթում նա խոսելու է նաեւ Երկրորդ համաշխարհային պատերազմից հետո ի հայտ եկած միջազգային հարաբերությունների համակարգը փոխելու ուղղությամբ աշխատելու մտադրության մասին։ Ռուբիոյի խոսքով՝ հետպատերազմյան աշխարհակարգը «ոչ միայն հնացել է», այլ դարձել է «ԱՄՆ-ի դեմ օգտագործվող զենք»։«Ամերիկյան ժողովուրդը ցանկանում է ուժեղ Ամերիկա:
Ամերիկա, որը կզբաղվի համաշխարհային գործերով, բայց առաջնորդվի հստակ նպատակով՝ դրսում խաղաղություն առաջ տանել և ապահովել անվտանգություն և բարգավաճում այստեղ՝ տանը», - ասել է օրենսդիրը։
