ՌԴ նախագահ Վլադիմիր Պուտինը հունվարի 16-ին բանակցություններ կվարի Կենտրոնական Աֆրիկայի Հանրապետության նախագահ Ֆաուստին Արչանժ Տուադերայի հետ, ով պաշտոնական այցով գտնվում է Ռուսաստանի Դաշնությունում, հայտնում է Կրեմլի մամուլի ծառայությունը։
«Հունվարի 16-ին բանակցություններ կկայանան Ռուսաստանի Դաշնության նախագահ Վլադիմիր Պուտինի և պաշտոնական այցով Ռուսաստանում գտնվող Կենտրոնական Աֆրիկայի Հանրապետության նախագահ Ֆաուստին Արչենջ Տուադերայի միջև»,- ասված է հաղորդագրությունում։
Նշվում է, որ նախատեսվում է քննարկել քաղաքական, առևտրային, տնտեսական և հումանիտար ոլորտներում երկկողմ համագործակցության հետագա զարգացման վիճակն ու հեռանկարները, ինչպես նաև միջազգային և տարածաշրջանային օրակարգի արդի հարցեր։
