Գազայի բնակիչների համար հրադադարը չափազանց անհրաժեշտ է, հայտարարել է ՌԴ նախագահի մամուլի քարտուղար Դմիտրի Պեսկովը։
«Այս աղետը միայն ավելի վատթարանալու միտում ունի, ուստի, հրադադարը և զինադադարը չափազանց անհրաժեշտ են այն բնակիչների համար, ովքեր մնում են Գազայում և ովքեր ապրում են այս բոլորովին անմարդկային դժվարությունները և կարիք ունեն հրադադարի և բոլոր տեսակի հնարավոր միջոցների ապահովմանը»,- ասել է նա լրագրողներին։
Երեքշաբթի օրը Իսրայելի կառավարության խոսնակ Դեյվիդ Մենցերը հայտնել է, որ Գազայի հատվածում կարգավորման և իսրայելցի պատանդների ազատ արձակման շուրջ գործարքը մոտ է, բայց դեռ ձեռք չի բերվել, քանի որ պաղեստինյան ՀԱՄԱՍ շարժման համաձայնությունը դեռ չի ստացվել:
