Վրաստանի նախկին նախագահ Սալոմե Զուրաբիշվիլին չի կատարել երկրի ղեկավարի պաշտոնում մնալու իր խոստումը նույնիսկ իր պաշտոնավարման ժամկետի ավարտից հետո։ Այս մասին հայտարարել է ՌԴ ԱԳ նախարար Սերգեյ Լավրովը, փոխանցում է Lenta.ru-ն։
«Սալոմե Զուրաբիշվիլին խոստացել է մնալ Վրաստանի նախագահի պաշտոնում նույնիսկ իր լիազորությունների ավարտից հետո, իսկ հետո լուռ հեռացել ու աշխատանքի է անցել ամերիկյան վերլուծական կենտրոնում»,- ասել է ՌԴ ԱԳ նախարարը։
Վրաստանի նախկին նախագահը դարձել է ամերիկյան Մաքքեյնի ինստիտուտի Քիսինջերի անդամ: Ըստ ինստիտուտի գործադիր տնօրեն Էվելինա Ֆարկասի՝ Զուրաբիշվիլին մարմնավորում է Քիսինջերի կրթաթոշակի քաղաքական խիզախությունն ու պետական կառավարման իդեալները։
Նա հավելել է, որ քաղաքական գործիչը ցույց է տվել իր ուժը և վճռականորեն պաշտպանել է Վրաստանի ժողովրդավարական տեղը Եվրոպայում՝ «դաժան բռնաճնշումների և ավտոկրատական տիրապետության պայմաններում»:
