Օրենբուրգի բնակիչը փորձել է 1,5 միլիոն ռուբլիով վաճառել որդուն։ Այս մասին Telegram-ի իր ալիքում հայտնել է ՌԴ Քննչական կոմիտեի մարզային վարչությունը։
Երեխան ծնվել է 2023թ.։ Ըստ քննիչների՝ տղամարդը ֆինանսական դժվարություններ է ունեցել և չի ցանկացել մեծացնել տղային։ Դեկտեմբերի սկզբին նա հայտնվել է հյուրանոցային համալիրի տարածքում, որտեղ անծանոթին առաջարկել է երեխա գնել։ Արդյունքում, նրան հաջողվել է համաձայնության գալ տեղի բնակիչներից մեկի հետ։
«Մեղադրյալը որդուն հանձնել է տեղի բնակչին, ինչի դիմաց ստացել է իր կողմից նշանակված գումարը, որից հետո նրան բերման են ենթարկել Ռուսաստանի ՆԳՆ Օրենբուրգսկոյեի մունիցիպալ վարչության քրեական հետախուզության բաժանմունքի աշխատակիցները»- ասված է գերատեսչության հաղորդագրության մեջ։
Հարցաքննության ժամանակ տղամարդն ընդունել է իր մեղքը։ Քրեական գործի քննությունն ավարտվել է, նյութերը փոխանցվել են Լենինյան շրջանային դատարան։ Մեղադրյալին սպառնում է մինչև 15 տարվա ազատազրկում։
