Եմենի հութիները (Անսար Ալլահ շարժում) երկրորդ հրթիռային հարձակումն են իրականացրել Իսրայելի տարածքի վրա վերջին 12 ժամվա ընթացքում։ Շարժման ռազմական ներկայացուցիչ Յահյա Սարիայի խոսքով՝ հութի ուժերը հիպերձայնային բալիստիկ հրթիռով հարձակվել են Թել Ավիվում Իսրայելի պաշտպանության վարչության վրա։
«Եմենի զինված ուժերի հրթիռային ուժերը ռազմական գործողություն են իրականացրել՝ Պաղեստինի հիպերձայնային բալիստիկ հրթիռով գրոհելով Ջաֆայի օկուպացված տարածքում գտնվող, այսպես կոչված, իսրայելական թշնամու պաշտպանության նախարարության վրա: 2 տիպի հրթիռը հասել է իր թիրախին, որսալու համակարգերը չեն կարողացել հետևել», - ասել է Սարիան հութիներին պատկանող «Ալ Մասիրա» հեռուստաալիքի եթերում։
Երեքշաբթի առավոտյան իսրայելական բանակը Եմենից արձակված հրթիռը «որսալու մի քանի փորձ է արել»։ Երկուշաբթի օրը հութիների կողմից աջակցվող զինվորականների ներկայացուցիչը հայտարարել է, որ հրթիռային հարված է հասցրել Թել Ավիվում «կարևոր թիրախին»:
Իսրայելական բանակի տվյալներով՝ այս հարձակման ժամանակ հրթիռը որսացել է երկրի օդային տարածքից դուրս։
