Ժնևում կայացել է Իրանի և Եվրոտրոյկայի երկրների (Մեծ Բրիտանիա, Գերմանիա և Ֆրանսիա) բանակցությունների երրորդ փուլը։ Արդյունքում կողմերը պայմանավորվել են շարունակել խորհրդակցությունները։ Այս մասին հայտարարել է հանդիպմանը մասնակցած հանրապետության փոխարտգործնախարար Քազեմ Ղարիբաբադին։
«Անցնելով մանրամասներին, մենք քննարկել ենք տարբեր կետեր երկու ուղղություններով՝ պատժամիջոցների չեղարկում և միջուկային հիմնախնդիր, որոնք անհրաժեշտ են համաձայնության գալու համար, բոլոր կողմերից պետք է ստեղծվի և պահպանվի համապատասխան մթնոլորտ», - գրել է փոխարտգործնախարարը։
Իրանի և Եվրոպայի ներկայացուցիչների միջև բանակցությունները համարվում են այն հանդիպումների շարունակությունը, որոնք տեղի են ունեցել դիվանագետների միջև սեպտեմբերին Նյու Յորքում ՄԱԿ-ի Գլխավոր ասամբլեայի գագաթնաժողովի շրջանակներում:
