UFC-ի կիսաթեթև քաշային կարգի չեմպիոն Բելալ Մոհամադը կանխատեսել է Արման Ծառուկյան-Իսլամ Մախաչև մենամարտի հաղթողին, հայտնում է Submission Radio-ն։
«Կարծես թե Իսլամը Ծառուկյանի դեմ առաջին մենամարտում, իրոք, վատառողջ է եղել։ Այդ պահից ի վեր Մահախչևն էականորեն բարելավել է մարզավիճակը։ Չմոռանանք, թե ինչպես նա հաղթեց Օլիվեյրային։ Ծառուկյանը նույնպես հաղթեց Օլիվեյրային, բայց դա լրիվ այլ պատմություն է։ Մախաչևն այս պահին բոլոր թեթևքաշայիններից ուժեղ է և ավելի հզոր է դառնում։
Վոլկանովսկիին նա հաղթեց նոկաուտով։ Կարծում եմ` Ծառուկյանի դեմ մենամարտում նա կցանկանա լռեցնել քննադատներին։ Վստահ եմ, որ Իսլամը պատրաստվում է վերջ դնել Ծառուկյանի դեմ հակամարտությանը»,- նշել է 36-ամյա մարտիկը։
UFC-311 մրցաշարում թեթև քաշային կարգի դասակարգման աղյուսակի առաջատար Արման Ծառուկյանը մենամարտելու է գործող չեմպիոն Իսլամ Մախաչևի դեմ հունվարի 18-ին Լոս Անջելեսում։
