Աժ պատգամավոր Հակոբ Ասլանյանը «24Նյուզ»-ի հետ զրույցում անդրադառնալով Հովիկ Աղազարյանի հետ նոր կուսակցություն հիմնադրելու մասին հարցին, նշեց, որ արմատական փոփոխությունների առաջարկներ են ներկայացնելու.
«Մեր ծրագրում կան բոլոր այն կետերը, որոնց ժողովուրդն այսօր սպասում է»։Ասլանյանը հավելեց, որ մասնակցելու են ընտրություններին, բայց ժամանակը ցույց կտա, կհամագործակցեն իշխանության հետ, թե ոչ, բայց ընդդիմադիր խորհրդարանական ուժերի հետ չենք համագործակցելու։ «Հստակ որոշում ունենք՝ չենք համագործակցելու այն ուժերի հետ, որոնք գտնվում են Սերժ Սարգսյան - Ռոբերտ Քոչարյան առանցքի շուրջ։
ՔՊ-ի հետ մեր ճանապարհները բաժանվել են, հիմա գնում ենք նոր ճանապարհով, մարտականորեն ենք տրամադրված, պայքարելու ենք կոռուպցիայի դեմ։ Բայց նաև իշխանությանը պետք է օգնենք, ոչ թե խանգարենք, երկրին, պետականությանը օժանդակող ընդդիմություն ենք լինելու»- ընդգծեց Ասլանյանը։Խոսելով պատգամավորական մանդատը վայր դնելու հավանականության մասին՝ Ասլանյանը հավաստիացրեց. «Վայր չեմ դնելու մանդատը, ես հայտարարել եմ այդ մասին, և դա վերջնական է, եթե կարող են, թող դատեն, ինձ մանդատից զրկեն»:Անդրադառնալով հարցին, թե մտավախություն չունի՞, որ իր նկատմամբ ևս քրեական գործ կհարուցեն, ինչպես Աղազարյանի նկատմամբ, Ասլանյանը նշեց․ «Ես կարողություններ չունեմ, տրանսպորտով եմ ման գալիս, անշարժ գույք ձեռք չեմ բերել, իմ զավակները պաշտոններ չեն ստացել, ոչ մի բարեկամ-ազգականի չեմ տեղավորել պաշտոններում, կոռուպցիոն գործարքների մեջ չեմ խառնվել․․․ Ես գիտեմ, որ «от и до» մաքուր եմ»:
