Ինչպես հաղորդում է ԱՊԱ-ն, այս մասին հայտնում է Ադրբեջանի նախագահի մամուլի ծառայությունը։
Հեռախոսազրույցի ընթացքում քննարկվել են Ադրբեջանի և Թուրքիայի երկկողմ հարաբերությունները, ինչպես նաև տարածաշրջանային և գլոբալ հարցեր։
Էրդողանն ընդգծել է, որ երկու երկրների միջև համագործակցությունը կզարգանա բոլոր ոլորտներում՝ «Մեկ ազգ, երկու պետություն» սկզբունքով։ Թուրքիայի նախագահը նշել է, որ իր երկիրը լիովին աջակցում է Հարավային Կովկասի տարածաշրջանում կայուն խաղաղության հաստատմանը և կշարունակի մնալ Ադրբեջանի կողքին։
Ալիևն իր հերթին նշել է, որ Ադրբեջանի և Թուրքիայի միջև եղբայրական, բարեկամական և ռազմավարական դաշնակցային հարաբերությունները զարգանում են «Մեկ ազգ, երկու պետություն» սկզբունքի հիման վրա։
Հեռախոսազրույցի ընթացքում մտքեր են փոխանակվել 2025 թվականին երկու երկրների համագործակցության զարգացման հեռանկարների շուրջ։ Պետությունների ղեկավարները նշել են նաև շփումները շարունակելու անհրաժեշտությունը։
