ԱՄՆ նորընտիր նախագահ Դոնալդ Թրամփի հայտարարությունները Գրենլանդիան միացնելու մտադրության մասին իմպերիալիզմի դրսեւորում են, ուստի, Եվրոպան պետք է ներդրումներ կատարի իր պաշտպանության համար։ Այս մասին հայտարարել է Ֆրանսիայի ԱԳՆ արտաքին առեւտրի եւ արտերկրում գտնվող Ֆրանսիայի քաղաքացիների հարցերով նախարար-պատվիրակ Սոֆի Պրիման։
«Այսօր դաշինքները հզորանում են, ինչը կարելի է մեկնաբանել որպես իմպերիալիզմի ձև, որը, մասնավորապես, դրսևորվում է պարոն Թրամփի՝ մի ամբողջ տարածքի ֆիզիկական բռնակցման մասին հայտարարություններով»,- ասել է նա։
«Այսօր առավոտյան այս հարցը բարձրացվեց ընդհանուր ձևով, ասվեց, որ մենք մեր եվրոպացի գործընկերների հետ միասին պետք է ավելի գիտակից լինենք, քան երբևէ, ձերբազատվենք միամտությունից, պատրաստվենք, վերազինվենք, բացահայտենք ներդրումները պաշտպանության ոլորտում, թվային և տիեզերքում։ Արդյունաբերությունները այս ներդրումները կպաշտպանեն Եվրոպան և կապահովեն նրա հզորությունը այս բլոկների նկատմամբ»,- հավելել է նախարար-պատվիրակը։
Պրիման նշել է, որ այս հարցը «զգայուն» է և ոչ միայն արտացոլում է տարբեր բլոկների իմպերիալիստական նկրտումների աճը համաշխարհային հարթակում, այլ նաև ցույց է տալիս ժողովրդավարության այն ձևի թուլացումը, որին հավատարիմ էր Ֆրանսիան և որը նա համարում էր «հավերժ»։
