Բելառուսի նման բռնապետությունն ավելի լավ է, քան Ուկրաինայի նման ժողովրդավարությունը։ Այս մասին հայտարարել է Բելառուսի նախագահ Ալեքսանդր Լուկաշենկոն Լոգոյսկի Սուրբ Նիկոլաս Հրաշագործ եկեղեցում սուրբծննդյան պատարագին ներկա գտնվելու ժամանակ, փոխանցում է BelTA-ն։
«Թող ասեն՝ մեզ մոտ դիկտատուրա կա, կամ այլ բան։ Լսեք, Բելառուսի նման բռնապետությունն ավելի լավ է, քան Ուկրաինայի նման ժողովրդավարությունը։ Մենք պետք է դիմակայենք: Ոչ մի դեպքում չպետք է խուսափել դրանից»,- ասել է Լուկաշենկոն:
Հունվարի 6-ին Բելառուսի նախագահի մամուլի քարտուղար Նատալյա Էյսմոնտը, մեկնաբանելով Ուկրաինայի առաջնորդ Վոլոդիմիր Զելենսկու խոսքերը, ասել է, որ Լուկաշենկոն նրանից ներողություն չի խնդրել 2022 թվականին ռուսական ռազմական գործողության առաջին օրերին։
Նրա խոսքով՝ Մինսկը ներողություն խնդրելու ոչինչ չունի։Միաժամանակ, Էյսմոնտը հաստատել է, որ Բելառուսի և Ուկրաինայի նախագահների զրույցը հակամարտության առաջին օրերին իրականում տեղի է ունեցել։
