Ուկրաինայի նախագահ Վոլոդիմիր Զելենսկին բլոգեր Լեքս Ֆրիդմանին տված հարցազրույցում ասել է, որ հարգում է ամերիկացի միլիարդատեր և ձեռնարկատեր Իլոն Մասկին և կցանկանար, որ նա «որքան հնարավոր է՝ շուտ» Կիևի կողմն անցնի, գրում է Gazeta-ն։
Զելենսկին ընդգծել է, որ հարգում է Մասկին, քանի որ վերջինս, ինչպես ինքը, ամեն ինչի ինքնուրույն է հասել։
Նրա խոսքով՝ նման մարդիկ աշխարհն առաջ են տանում, և բոլորը տեսնում են նրա աշխատանքի արդյունքը։
Երկրի ղեկավարը նաև շնորհակալություն է հայտնել ձեռներեցին՝ Ուկրաինայի զինված ուժերին Starlink արբանյակային հաղորդակցությունից օգտվելու թույլտվության համար։
«Ես իսկապես կցանկանայի, որ Իլոնը հնարավորինս շուտ մեր կողքին լիներ, որպեսզի նա աջակցի Կիևին», - ասել է Զելենսկին։
Նա հույս է հայտնել, որ Մասկը մի օր կգնա Ուկրաինա՝ «խոսելու մարդկանց հետ և դիտարկելու»։
