Ուկրաինայի նախագահ Վոլոդիմիր Զելենսկին զարմանալի պատմությամբ է կիսվել ուկրաինացի զինված ուժերի զինծառայողի մասին, ով իր այցից հետո կարողացել է ոտքի կանգնել։
Այս մասին Զելենսկին խոսել է Focus-ին տված հարցազրույցում։«Այդ տղան չէր կարողանում քայլել։
Նա վերականգնողական փուլ է անցել ԱՄՆ-ում և այստեղ բուժօգնություն էր ստանում»,- ասել է Զելենսկին։
Ուկրաինայի նախագահը նշել է, որ հարցազրույցից առաջ հաղորդագրություն է ստացել մի զինվորից, ով հեռախոսով ասել է.
«Նախագահը եկավ, և ես սկսեցի քայլել»։
Զելենսկին միաժամանակ ընդգծել է՝ ապաքինումը կապված չէ իր այցի հետ, այլ ամերիկացի բժիշկների աշխատանքի արդյունքն է։
