Դամասկոսի և Հալեպի միջազգային օդանավակայանները կշարունակեն օդանավ ընդունել և ուղարկել միայն քաղաքացիական ավիացիայի ոլորտում պետական կարգավորող մարմնի հատուկ թույլտվությամբ մինչև 2025 թվականի հունվարի 7-ի երեկո։ Այս մասին ՏԱՍՍ-ին հայտնել են Դամասկոսի թռիչքային տեղեկատվական շրջանի վերահսկողական ծառայությունից։
«Դամասկոսի օդանավակայանում, ինչպես նաև Հալեպի օդանավակայանում բոլոր թռիչքները դադարեցված են, բացառությամբ այն թռիչքների, որոնք իրականացվում են քաղաքացիական ավիացիայի վերահսկողության մարմնի հատուկ թույլտվությամբ մինչև 2025 թվականի հունվարի 7-ը՝ համաշխարհային կոորդինացված ժամանակով 20։00-ն։»,- հայտնել են դիսպետչերական ծառայությունից։
Ավելի վաղ Սիրիայի օդային տարածքի բոլոր օգտվողներին բաժանված NOTAM-ի հաղորդագրության համաձայն՝ նշվում էր, որ Դամասկոսի և Հալեպի օդային նավահանգիստների համար հատուկ գործող ռեժիմը կարող է տևել մինչև հունվարի 1-ի երեկո։
