Իսրայելի վարչապետ Բենիամին Նեթանյահուն կիրակի օրը շագանակագեղձի հեռացման վիրահատության կենթարկվի։ Այս մասին հայտնել է նրա գրասենյակը, փոխանցում է ՏԱՍՍ–ը։
Նրա հայտարարության համաձայն՝ դեկտեմբերի 25-ին կառավարության ղեկավարը հետազոտվել է Հադասա հիվանդանոցում, որտեղ նրա մոտ «ախտորոշվել է միզուղիների ինֆեկցիա՝ առաջացած շագանակագեղձի բարորակ հիպերպլազիայի հետևանքով»։
Դրանից հետո Նեթանյահուն մի քանի օր հակաբիոտիկներ է ընդունել, ինչը նրան թույլ է տվել հաղթահարել ինֆեկցիան, նշել են գրասենյակից։
«Դրանից հետո վաղը (դեկտեմբերի 29-ին,- նշում է ՏԱՍՍ-ը) վարչապետը կենթարկվի շագանակագեղձի հեռացման վիրահատության»,- ասվում է հաղորդագրության մեջ։
