ESPN-ը ներկայացրել է 2024 թվականի լավագույններին: Տարվա լավագույն խաղացող է ճանաչվել Մադրիդի «Ռեալի» հարձակվող Վինիսիուս Ժունիորը: Լավագույն մարզիչ է ճանաչվել Մադրիդի «Ռեալի» գլխավոր մարզիչ Կառլո Անչելոտին:
«Տարվա առաջընթաց» անվանակարգում հաղթել է «Բարսելոնայի» հարձակվող Լամին Յամալը: Լավագույն թիմ է ճանաչվել Իսպանիայի հավաքականը: Տարվա լավագույն խաղ է ճանաչվել «Ռեալի» և «Մանչեսթեր Սիթիի» միջև կայացած հանդիպումը (3:3) Չեմպիոնների լիգայի քառորդ եզրափակիչում:
Կանանց ֆուտբոլում տարվա լավագույն խաղացող է ճանաչվել «Բարսելոնայի» ֆուտբոլիստ Այտանա Բոնմատին: «Բարսելոնա» կանանց թիմը ճանաչվել է տարվա լավագույն թիմ, իսկ Էմմա Հեյսը («Չելսի», ԱՄՆ-ի հավաքական)՝ տարվա լավագույն մարզիչ:
Դեկտեմբերի 17-ին Վինիսիուսը ճանաչվել է տարվա լավագույն խաղացող FIFA The Best-ի վարկածով: 2024 թվականի «Ոսկե գնդակը» ստացել է «Մանչեսթեր Սիթիի» կիսապաշտպան Ռոդրին: Վինիսիուսը զբաղեցրել է երկրորդ տեղը:
