Meta ընկերությունը տեղեկացրել է, որ չեղարկում է որոշ սահմանափակումներ, որոնք կիրառվում են ԱՄՆ նախկին նախագահ Դոնալդ Թրամփի օգտահաշիվների նկատմամբ Facebook-ում եւ Instagram-ում, տեղեկացնում է Reuters-ը։Ընկերությունը որոշակի ժամկետով արգելափակել էր Թրամփի օգտահաշիվներն այն բանից հետո, երբ նա գովել էր ԱՄՆ Կապիտոլիումի դեմ 2021թ. հունվարի 6-ի գրոհի մասնակիցներին։Այնուհետեւ ընկերությունը վերականգնել էր նրա օգտահաշիվները 2023թ. սկզբին՝ հայտնելով, որ կհետեւի Թրամփի գրառումներին հետագա խախտումները պարզելու նպատակով, որոնք կարող են հանգեցնել եւս մեկ արգելափակման ժամկետի մեկ ամսից մինչեւ երկու տարով։Թրամփն այլեւս չի ենթարկվի լրացուցիչ մոնիթորինգի, տեղեկացրել է Meta-ն։«Գնահատելով մեր պատասխանատվությունը քաղաքական ինքնարտահայտման հնարավորության ապահովման համար՝ մենք կարծում ենք, որ ամերիկացի ժողովուրդը պետք է հնարավորություն ունենա լսելու նախագահի թեկնածուներին նույն հիմքով»,- նշված է Meta-ի բլոգի թարմացված հաղորդագրությունում։
Meta-ն չեղարկել է Թրամփի Facebook-ի եւ Instagram-ի օգտահաշիվների սահմանափակումները
13.07.2024 11:35 |
Կատեգորիա
ԱՄՆ
