Գերմանիան դադարեցրել է Վրաստանում 237 միլիոն եվրո արժողությամբ նախագծերի իրականացումը` երկրի՝ դեպի Եվրամիություն ճանապարհից շեղվելու և բողոքի ցույցերը ճնշելու պատճառով։ Այս մասին X սոցիալական ցանցի իր էջում գրել է Թբիլիսիում Գերմանիայի դեսպան Պետեր Ֆիշերը։
«Ցավոք, Գերմանիան դադարեցրել է Վրաստանի հետ 237 միլիոն եվրոյի նախագծերը։Սվենյա Շուլցեն և Տնտեսական համագործակցության և զարգացման նախարարությունը, որը նա գլխավորում է, արձագանքում է Վրաստանի՝ ԵՄ ուղուց շեղվելուն և բողոքի ցույցերը ճնշելուն։ Մենք դադարեցրինք Բաթումիում կանաչ ջրածնի, էներգետիկ ցանցի և ջրային ենթակառուցվածքների ֆինանսավորումը: Աջակցությունը քաղաքացիական հասարակությանն ու օրենքի գերակայությանը՝ մնում է»,- հայտնել է դիվանագետը։
