Նապոլեոն Բոնապարտի հավաքածուից երկու ատրճանակ վաճառվել է կիրակի օրը կայացած աճուրդում 1,69 մլն եվրոյով, հայտնում է AFP-ն: Osenat և Rossini աճուրդների տների կազմակերպիչները այս հրացանների վաճառքը համարում են «հաջողված»: Բայց գնորդի մասին տեղեկություն նրանք չեն հրապարակել:
Ավելի վաղ Ֆրանսիայի մշակույթի նախարարությունը Նապոլեոնի հավաքածուի այդ երկու ատրճանակներն անվանել էր իր ազգային սեփականություն եւ արգելել էր դրանք դուրս բերել երկրից։ Որոշումը հրապարակվել է հրացանների աճուրդի հանվելուց մեկ օր առաջ։ Osenat աճուրդի տան կազմակերպիչները լոտը գնահատել են 1,2-1,5 մլն եվրո։ Համաձայն կանոնների, որոնք վերաբերում են այս կարգավիճակով իրերին, դրանք չեն կարող Ֆրանսիայից դուրս հանվել առանց իշխանությունների հատուկ թույլտվության, այնուհետև կարող են դուրս հանվել միայն սահմանափակ ժամանակով։
