Երևանի «Գում»-ի շուկայում աշխատող, ուրբաթ օրը ձերբակալված 8 մսավաճառները 6-ն ազատ են արձակվել 2-ը դեռևս շարունակում են մնալ անազատության մեջ։
Նշենք, որ նրանց ձերբակալության 72 ժամը լրանում է այսօր:
Euromedia24-ի հետ զրույցում ձերբակալված մսավաճառներից մեկի հարազատը հաստատեց լուրը և ասաց, որ ոչ մի նորություն չունեն իրենց ազգականից։ «Միայն առաջին օրն ենք խոսել, ասել է, որ գտնվում է Էրեբունու ՁՎՊ-ում։ Հանրային պաշտպան ունեն, զբաղվում է ձերբակալվածների հարցերով»,- ասաց նա։
Euromedia24-ը կապ հաստատեց Քննչական կոմիտեի լրատվական բաժին, սակայն, մեզ հրաժարվեցին որևէ տեղեկություն հաղորդել։
Հիշեցնենք, որ դեկտեմբերի 13-ին Երեւանի «Գում»–ի շուկայում, որտեղ ՍԱՏՄ ներկայացուցիչները կարմիրբերետավորների հետ առգրավում են մսավաճառների միսը, լարված իրավիճակ էր ստեղծվել:
Նշենք, որ քաղաքացիներից մեկը փորձել էր ինքնահրկիզվել։
Շտապբուժօգնության տնօրեն Ռուբեն Գրիգորյանը Euromedia24-ի հետ զրույցում ասել է, որ դեպքի ժամանակ շտապօգնության 2 կանչ է գրանցվել, սակայն, քաղաքացին հրաժարվել է տեղափոխվել հիվանդանոց։
