Թուրքիայի անվտանգության ծառայություններն «Իսլամական պետություն» ահաբեկչական խմբավորման հետ կապ ունենալու կասկածանքով 45 մարդու են ձերբակալել։ Այս մասին հայտարարել է հանրապետության ՆԳՆ ղեկավար Ալի Էրլիկայան։«Իսլամական պետություն ահաբեկչական խմբավորման դեմ 16 նահանգներում իրականացված գործողությունների շրջանակում ձերբակալվել է 45 մարդ»,- գրել է նախարարն X-ում։ Ձերբակալություններն իրականացվել են այդ թվում՝ Ստամբուլում, Անկարայում և Անթալիայում։Թուրքիայի հետախուզական ծառայությունները պարբերաբար գործողություններ են իրականացնում ԻՊ-ի դեմ։ Վերջին մեկ տարվա ընթացքում, ըստ ՆԳՆ տվյալների, Թուրքիայում «Իսլամական պետության» հետ կապերի կասկածանքով ավելի քան 3 հազար մարդ է ձերբակալվել։
Թուրքիայում ԴԱԻՇ-ի հետ կապ ունեցող 45 կասկածյալ է ձերբակալվել
05.07 12:28 |
Կատեգորիա
Պատահարներ
