Սիրիայի նախագահ Բաշար ալ-Ասադը տապալումից մի քանի օր առաջ Իրանի ներկայացուցչին բողոքել է, որ ապստամբներին ակտիվորեն աջակցում է Թուրքիան։
Այս մասին կիրակի՝ դեկտեմբերի 15-ին, Lenta.ru–ի փոխանցմամբ՝ հայտնել է Reuters-ը։
Գործակալության տվյալներով՝ Իրանի արտաքին գործերի նախարար Աբբաս Արաղչին զրույցի ընթացքում հավաստիացրել է Ասադին, որ Թեհրանը կշարունակի օգնություն ցուցաբերել և խոստացել է Թուրքիայի ներկայացուցիչների հետ քննարկել ներկա իրավիճակը։
Նշվում է, որ խոսակցությունը տեղի է ունեցել դեկտեմբերի 1-ին՝ ապստամբների հարձակման հինգերորդ օրը։
Այդ ժամանակ զինյալները գրավել էին Իդլիբն ու Հալեպը, իսկ սիրիական բանակը պատրաստվում էր անցնել հարձակման։
Ասադի հետ զրույցից հետո իրանցի նախարարը իր թուրք գործընկեր Հաքան Ֆիդանին խորը մտահոգություն է հայտնել ապստամբներին աջակցելու կապակցությամբ և դժգոհություն հայտնել ԱՄՆ-ի և Իսրայելի ծրագրերին Թուրքիայի աջակցության կապակցությամբ։
Ի պատասխան՝ Թուրքիան Ասադին մեղադրել է Սիրիայում հակամարտությունը դիվանագիտական ճանապարհով լուծման ցանկություն չունենալու մեջ։
